19. maí 2010 09:37

Ný stjórn mynduð á aðalfundi leikdeildarinnar

Á aðalfundi leikdeildar Skallagríms í mars urðu nokkur mannaskipti í stjórninni.  Nýr formaður var kosinn, Rebekka Atladóttir, og er hún boðin hjartanlega velkomin til starfa.  Jónas Þorkelsson, fráfarandi formaður, tók að sér stöðu gjaldkera en annars lítur ný stjórn út á eftirfarandi hátt:

Formaður: Rebekka Atladóttir

Gjaldkeri: Jónas Þorkelsson

Ritari: Harpa Einarsdóttir

Meðstjórnandi: Ása Dóra Garðarsdóttir

Meðstjórnandi: Nonni Gulli Guðbrandsson

Fráfarandi stjórnarmeðlimir eru Þröstur Reynisson og Ásthildur Kristín Júlíusdóttir.  Þeim eru þökkuð vel unnin störf í þágu leikdeildarinnar.

Það er mikill metnaður og hugur í nýja formanninum okkar og öruggt er að leikdeildin mun stefna að því að láta meira að sér kveða á komandi misserum.  Okkar markmið er að eiga öfluga leikdeild sem allir geta verið stoltir af.

Með kveðju,

stjórnin.

16. mars 2010 08:59

Aukasýningar á Gullna hliðinu

Vegna góðrar aðsóknar verða aukasýningar á Gullna hliðinu eftirtalda daga:

Föstudaginn 19.mars - 6.sýning

Sunnudaginn 21.mars - 7.sýning

Fimmtudaginn 25.mars - 8.sýning

Föstudaginn 26.mars - Síðasta sýning

Allar sýningar hefjast kl.20.30.

Miðapantanir í S:848-9043.

16. mars 2010 08:54

Aðalfundur

Leikdeild UMF Skallagríms boðar til aðalfundar sunnudaginn 21.mars n.k kl. 17:00.  Fundurinn verður haldinn í félagsheimilinu Lyngbrekku.

                                                       Dagskrá:

                                                  1. Venjuleg aðalfundarstörf
                                                  2. Kosning stjórnar
                                                  3. Önnur mál.

                                             Stjórn Leikdeildar UMF. Skallagríms
 

7. mars 2010 03:22

Gullna hliðið - sýningardagar

Næstu sýningar á Gullna hliðinu í Lyngbrekku eru sem hér segir:

2. sýning sunnudaginn    7.mars

3. sýning fimmtudaginn  11.mars

4. sýning föstudaginn     12.mars

5. sýning laugardaginn   13.mars

Allar sýningar hefjast kl.20.30. 

Miðaverð er kr. 2000 fyrir fullorðna og kr.1000 fyrir börn, 13 ára og yngri.

Miðapantanir í S:848-9043

7. mars 2010 02:56

Gullna hliðið frumsýnt í Lyngbrekku

Föstudaginn 5.mars frumsýndi leikdeild UMF Skallagríms Gullna Hliðið eftir Davíð Stefánsson frá Fagraskógi.  Húsfyllir var í Lyngbrekku og ekki annað að sjá en að áhorfendur hafi skemmt sér alveg konunglega.

Leikdeildin hefur staðið í ströngu æfingarferli síðustu vikur undir öruggri handleiðslu Rúnars Guðbrandssonar leikstjóra.  Yfir 20 leikarar stíga á svið í þessari uppfærslu og sumir í fleiri en einu hlutverki.  Hlutverk kerlingar er í höndum Rebekku Atladóttur og Jónas Þorkelsson fer með hlutverk Jóns.  Þröstur Reynisson leikur Óvininn.

Inni í myndum má sjá nokkrar myndir sem teknar voru á æfingum.

Leikdeildin vill nota tækifærið og þakka öllum þeim sem komu á einn eða annan hátt að sýningunni og hvetur alla til að koma og eiga skemmtilega kvöldstund uppi við hið Gullna hlið!

30. desember 2009 10:04

Myndir af leiklistarnámskeiði 2009

Nú eru komnar inn nokkrar myndir frá leiklistarnámskeiðinu sem haldið var í byrjun desember.  Það tókst með eindæmum vel og var mikið fjör eins og sjá má á myndunum.

30. desember 2009 01:09

Leikdeild Skallagríms setur upp Gullna hliðið

Nú hefur verið ákveðið hvaða verk leikdeildin mun setja upp á komandi ári og varð Gullna hliðið eftir Davíð Stefánsson frá Fagraskógi fyrir valinu.  Fyrsti samlestur á verkinu fór fram miðvikudaginn 16.desember í Félagsbæ og var mæting mjög góð eða tæplega 20 manns.  Rúnar Guðbrandsson mun leikstýra hópnum en hann sá einnig um að leikstýra síðasta verki, Allir á svið!  Gullna hliðið er talsvert stærra verk að því leyti að hlutverk eru yfir 20 talsins og búningar og leikmyndahönnun munu krefjast mikillar vinnu.  Við ítrekum því að allir sem eru áhugasamir um að taka þátt í uppsetningu verksins eru hvattir til að setja sig í samband við leikdeildina, hvort sem þeir hafa áhuga á leik eða annarri vinnu.  Annar samlestur verður auglýstur í janúar.

23. nóvember 2009 08:19

Leiklistarnámskeið 5.-6.desember

Leikdeild Skallagríms stendur fyrir leiklistarnámskeiði helgina 5.-6.desember.  Kennari er Rúnar Guðbrandsson.

Námskeiðið verður haldið í Mími í kjallara Menntaskóla Borgarfjarðar.  Kennt verður laugardag og sunnudag frá kl.9-17.  Þátttökugjald er kr. 3.000.- og er hádegismatur innifalinn í verðinu báða dagana.  Greitt er á staðnum.

ATH!  Allir sem hafa áhuga á að taka þátt í uppsetningu með leikdeildinni eftir áramót eru eindregið hvattir til að mæta. Rúnar kemur til með að leikstýra hópnum þegar æfingar hefjast í janúar og þeir sem mæta á námskeiðið auka möguleika sína á því að fá hlutverk.

Skráning er hjá Hörpu á netfangið harpaei@simnet.is eða hjá Þresti í síma 848-9043.

Allir velkomnir!!!!

Aðalfundur bandalags íslenskra áhugaleikfélaga