11. janúar 2010
Garðar Jónsson ráðinn meistaraflokksþjálfari.
Garðar ásamt bróður sínum Gunnari spilaði stórt hlutverk í liði Skallagríms á árum áður, en Garðar er næst markahæsti leikmaður í sögu Skallagríms á eftir Valdimari K. Sigurðssyni. Einnig á hann leiki að baki í efstu deild með ÍA. Hann hefur einnig þjálfað lið Hvatar frá Blönduósi, Sindra frá Hornafirði og Kára af Akranesi með góðum árangri.
Það er Skallagrími sönn ánægja að fá Garðar aftur til félagsins og óskar félagið honum góðs gengis á komandi sumri.
Fyrsta æfing undir sjórn Garðars mun fara fram á gervigrasinu í Borgarnesi á þriðjudaginn kl. 19:00.